Bakit di dapat maging kampante sa pag-apply ang dating nakapag-abroad na

MAYROON mga “ex-abroad” (sila na nakapagtrabaho na sa ibang bansa) na maayos kausap at alam ang kalakaran ng pag-aaplay sa pagtrabaho muli sa ibang bansa.

Ngunit, napapansin ko na may mga aplikanteng ex-abroad na feeling “superior race” at igigiit nila sa mga recruiter na dapat sila ang kunin para sa trabaho dahil sa kanilang past experience.

Tama naman na may mga advantage na sila sa pagtatrabaho abroad, lalo na ang bansang kanilang napuntahan ay magkakaroon na naman ng bakante na sa palagay nila ay naangkop sa kanila.

Ngunit, ito ang isang attitude na minsan ay napapangiwi na lang ako — lalo na kapag sinabi mo na hindi sila fit sa isang trabaho base na rin sa requirements ng employer.

Sa palagay ko ang pag-uugaling ganito na mapagmalaki ang dapat iwasan ng isang “ex-abroad”.

Totoo naman na sila ay isang matuturing na bayani dahil sa kanilang sakripisyo, ngunit ang ganitong pag-uugali ng mga iba ay hindi nakakaaya sa mga rason na ito:

1. Paggigiit na sila dapat ang priority na ma-hire.

May isa akong aplikante na hindi napili para mareview ng employer dahil hindi siya nag-match. Mahaba ang email na kanyang ipinadala sa akin stating na bakit dapat sya ay pinili at dahil sa 10 taon na syang nagtrabaho abroad sa posisyon na muli niyang inaplayan.

Ang malupit, nag-threat pa siya na isusumbong nya ang ahensyang pinagtatrabahuan ko dahil akala nya ay naging unfair ito sa kanya, sa katunayan daw, tatlong ahensya na raw ang naisumbong n’ya sa POEA na ngayon ay Department of Migrant Workers na.

Tandaan ninyong mga aplikante, ang mga ahensya ay may sinusunod na proseso sa kanilang kumpanya at employer upang makakuha ng trabahanteng nararapat sa kanila.

2. Magrereklamo sa procedure ng inaaplayang agency

Hindi porke’t may experience ang isang aplikante abroad ay swak na sa aplikasyon abroad, at ito ay magmamarakulyo sa ahensya, or magra-rant sa comment section ng FB page ng mga ahensya. Alam naman natin na may freedom of speech tayo sa Pinas, pero kung magrereklamo, maging marespeto pa rin.

3. Huwag masyadong magmarunong

Maliban sa sinabi ko sa item no. 1, irespeto mo ang pagtratrabaho ng recruiter na nag-iinterview sa iyo. Ang mga katulad nila ay trained at binigyan ng guide ng isang employer upang mamili ng kanilang ibibigay para sa kanilang review. Kadalasan ay ang recruiter din ang nag-e-evaluate ng behavior at ugali ng isang aplikante.

Sa susunod, pag-usapan naman natin kung ano ang nararapat na malaman ng isang aplikante tungkol sa maayos na trato ng isang ahensya sa kanilang aplikante.

Maraming salamat sa pagtangkilik ng aking ika-20 na artikulo!

Para sa reaksyon o komento at tanong mag-email sa admin@pinoypubliko.com


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more