15K pulis idedeploy sa inagurasyon ni Marcos

AABOT sa 15,000 pulis ang ipakakalat sa inagurasyon ni President-elect Bongbong Marcos sa Huwebes, Hunyo 30, 2022.

Sa isang panayam sa DZBB, sinabi ni PNP spokesperson PCol. Jean Fajardo na ang nasabing bilang ay bukod pa sa mga idedeploy na sundalo ng Armed Forces of the Philippines at Philippine Coast Guard.

“Humigit kumulang nasa 12,000 to 15,000 ang idedeploy natin higit pa diyan ang kinatawan ng Armed forces at Philippine Coast Guard. Diyan sa peripherical at palibot ng National Museum ay halos 7,000 at yung iba naman doon sa other areas like PICC na magiging staging area (ng mga rali) at doon sa entry points,” sabi ni Fajardo.

Aniya, magiging ground commander si National Capital Region Police Office (NRPO) MJ Felipe sa gagawing seguridad.

“Sa mga entry points papuntang Metro Manila ay magko-conduct tayo mga checkpoint to make sure hindi nga tayo malulusutan ng mga nagbabanta dito sa gagawing inauguration sa Huwebes,” ayon pa kay Fajardo.

Aniya, sisimulan ipatupad ang Manila Shield sa Hunyo 28, 2022.

“Meaning 12:01 ng June 28, yun ating pong checkpoint at chokepoint papasok ng Metro Manila ay asahan po na ilalatag,” aniya.

“In fact ngayon may mga naka-deploy na sa palibot ng National Museum. Yung mga labas masok ng National Museum ay binabantayan na ng PNP,” ayon pa kay Fajardo.


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more