Vendors sa Virgin Island itinangging nagbebenta ng overpriced food

TODO-TANGGI ang mga vendors sa Virgin Island sa Panglao, Bohol na “overpriced” ang mga ibinebenta nilang pagkain sa mga turista taliwas sa pahayag ng netizen na nagreklamo makaraan silang singilin ng P26,000 para sa seafood lunch.

Sa ulat, klinaro ng vendor na mismong naghain ng pagkain sa nagrereklamong netizen na ilang putahe para sa 13 katao ang kanilang inihain kaya umabot sa P26,000 ang bill ng mga ito.

Ayon sa vendor, hindi totoo na tinataga nila ang turista na nagpupunta sa isla. Dagdag niya, konti lamang umano ang tinubo nila sa mga kinain ng nasabing grupo.

Aniya, dapat isalang-alang ng mga turista na tataasan nila nang bahagya ang mga presyo ng kanilang mga pagkain dahil inangkat pa nila sa mainland ang mga ginamit na sangkap.

Nangangamba naman ang vendor na sa ginawang pagrereklamo ng netizen ay baka mawalan sila ng kabuhayan.

Matatandaan na isang netizen ang nag-upload sa Facebook ng mga larawan ng kanilang seafood lunch at ang bill na umabot sa mahigit P26,000.

“Ingon ani na diay kamahal ang pagkaon sa virgin island, bohol??? Just airing the sentiments of my friend who recently enjoying their vacation in bohol.. pero na shock cla sa ila bill.. mahal pa sa buffet sa HENNAN resort….. pls note : 13 pax cla lahat,” caption nito.


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more