Walang garahe, walang sasakyan – Velasco bill

USAP-USAPAN ngayon ang panukala ni dating Speaker at ngayon ay Marinduque Rep. Lord Allan Velasco na hindi maaring magkaroon ng bagong sasakyan ang isang indibidwal o pamilya kung wala naman siyang parking space o garahe.

Inihain ni Velasco ang House Bill No. 31 na “No garage, no registration Act” na siya umanong tutugon sa malaking suliranin sa trapiko maging sa mga maliliit na lansangan sa mga komunidad.

“It aims to lessen traffic congestion, curb the number of private vehicles, provide safe and uncluttered pathways, where people may freely walk to their destinations, and maintain a clean and healthy environment by clearing the streets of parked motor vehicles and other similar clutter that reduce the space intended for human and vehicular traffic”.

Sa ilalim ng panukala, ang mga indibidwal na nasa metropolitan area gaya ng Metro Manila at gustong bumili ng bagong sasakyan ay kinakailangang magbigay ng notarized affidavit na nagpapatunay na meron siyang parking space para sa bagong sasakyan.

Bukod sa Metro Manila, sakop din ng panukala na tumutukoy bilang metropolitan areas ay ang mga syudad ng Angeles, Bacolod, Cebu, Baguio, Cagayan de Oro, Batangas, Dagupan, Davao, Iloilo, Naga, at Olongapo, bagamat hindi nililimitahan dito.

Gagawing requirement sa pagkuha ng motor registration Land Transportation Office (LTO) ang affidavit.

“No motor vehicle may be legally conveyed in the absence of a public document duly attested to by the prospective buyer of a motor vehicle and acknowledged before a notary public, that a permanent parking space or facility already exists for the motor vehicle which is subject of the sale,” ayon pa sa panukala.


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more