Malaking raket sa bentahan ng mamahaling SUV

SA aming vlog na Tres Bandidos na mapapanood sa YouTube at Facebook ay tinalakay namin ang raket ng ilang car dealership.

Partikular dito ang pagtatago ng ilang sought after o yung mga in demand units ng mga casa.

Kamakailan ay bumili ng isang mamahaling sports utility vehicle ang aking kaibigan.

Humigit-kumulang sa P6 milyon ang manufacturer’s suggested price (MSRP) nito sa casa.

Pero dahil mataas ang demand nito nagbigay ng dagdag na P1 milyon ang aking kaibigan para lamang matiyak na makukuha niya ang gusto niyang sasakyan sa lalong madaling panahon.

Walang resibo yung extra P1 Million na sa tingin ng kaibigan ko ay pinaghatian ng mga taga-casa.

Wala siyang reklamo sa dagdag na bayad dahil willing naman siyang bayaran yun.

Tama ba o mali ang kanyang ginawa?

Mali dahil walang resibo.

Tama para sa kanya dahil gusto niya talaga ang unit na binibili niya at handa siyang magbayad ng mas mahal para lamang makuha ang gusto niyang sasakyan.

Ang raket ng ilang car dealer sa ganitong sistema ay ibinibigay nila ang sasakyan sa kung sino ang makakapagbigay sa kanila ng mas mataas na dagdag sa tinatawag na “MSRP”.

Kahit na nagdagdag ng P1 million sa halaga ng SUV ang aking kaibigan pero may ibang buyer naman ang nagbigay ng P1.5 Million mas kakagatin ang ilang car dealer ang mas malaking extra cash.

Natural yun dahil gusto nilang kumita pare-pareho pero hindi yung papasok sa kanilang idedeklarang kita dahil wala nga sa resibo.

Kumbaga ay hindi na iyun kasama sa buwis na babayaran nila sa gobyerno.

Matagal nang kalakaran ang ganitong sistema kung saan kahit nagbigay ng bayad ang isang gustong bumili ng in demand na sasakyan pero walang respeto sa usapan ang ilang dealership.

Natural na sasabihin ng mga car manufacturer na hindi nila kinusunsinti ang ganitong kalokohan pero wala naman silang ginagawa para sawatain ang ganitong bagay.

At the end of the day benta pa rin ang tinitingnan nila sa kanilang mga libro at yun ang totoo.

Para sa reaksyon o komento at tanong mag-email sa admin@pinoypubliko.com


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more