Minority maglalabas ng sariling report sa sugar scandal

ASAHAN na kokontrahin ng minority ang inilabas na report ng Senate blue ribbon committee na nagrerekomenda ng pagsasampa ng kaso laban sa apat na opisyal ng Department of Agriculture at Sugar Regulatory Administration, at paglilinis naman kay Executive Secretary Vic Rodrdiguez, kaugnay sa sugar importation scandal.

Ayon kay Senate Minority Leader Aquilino Pimentel III na maglalabas sila ng sariling report hinggil sa isinagawang tatlong araw na imbestigasyon ng blue ribbon committee na pinangungunahan ni Senador Francis Tolentino hinggil sa Sugar Order No. 4.

Nauna nang sinabi ng opposition Senator na si Risa Hontiveros na “fall guys” ang apat na opisyal na inirekomendang kasuhan ng komite.

Sa report na inilabas ng komite ni Tolentino, pinasasampahan sa Ombudsman ng kasong graft sina Agriculture Undersecretary Leocadio Sebastian, dating SRA Administrator Hermenegildo Serafica, at board members Roland Beltran and Aurelio Valderrama Jr. dahil sa diumano’y corrupt practices, paglabag sa Republic Act No. 10845, o anti-agricultural smuggling law, at usurpation of authority.

“These are the basic facts: there were people who were persistently asking for approval or a decision or feedback, and they request for info or advice or decision, and they were purposely not replied to, and now you want them to go to jail?” naunang sinabi ni Pimentel.

“I believe we should be more forgiving this time because what we saw in the hearings is the miscommunication or lack of communication (between Malacañang and the SRA),” dagdag pa ni Pimentel.

Naniniwala naman si Hontiveros na “fall guys” lamang ang apat matapos baliktarin ni Pangulong Bongbong Marcos ang naunang pahayag tungkol sa pag-aangkat ng 300,000 metriko toneladang asukal.

“Of course, the President can retract orders and override policy, but I believe Sebastian when he says he was, [in] good faith, of the belief that the importation not only was necessary, it had the support of the Chief Executive,” ani Hontiveros.

Nauna na ring nagpahayag si Hontiveros na hindi sana agad tinapos ni Tolentino ang pagdinig sa nasabing isyu lalo pa’t may bagong rebelasyon si Serafica na si Marcos Jr., umano mismo ang nagpalutang ng ideya na umangkat ng 600,000 metriko toneladang asukal.


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more