Nasaan ang tunay na Kadiwa?

KUNG tutuusin, maituturing na mga pekeng Kadiwa outlets ang makikita sa ngayon sa ilalim ng pamahalaan ni Pangulong Ferdinand “Bongbong” Marcos,Jr., at hindi maihahalintulad sa tunay at totoong mga Kadiwa na itinatag ni dating First Lady Imelda Marcos.

Masyadong ginulo at ginawang komplikado ang simpleng Kadiwa ni Imelda at kung ano-anong katawagan o pangalan ang ginagamit ng kasalukuyang administrasyon para lang masabing ang kanilang itinayong Kadiwa ay isang tunay na pamilihan ng mga mahihirap.

Nakalilito dahil kung hindi Kadiwa store, Kadiwa pop-up store. Meron pang Kadiwa on wheels at minsan naman Kadiwa rolling stores. Hindi pa nakuntento, sumulpot din ang Kadiwa express, ang E-Kadiwa at sinundan pa ng Kadiwa retail and selling. Ano ba yan?!

Simple lang ang gusto ng mga kababayan nating mahihirap – permanenteng lugar ng Kadiwa na madaling puntahan at mura ang mga bilihin!

Sa panahong maraming naghihirap at halos walang makain, ang tanging hiling ng mahihirap na mamimili ay maibalik ang tunay na Kadiwa na merong permanenteng istraktura o lokasyon na mabilis nilang mapupuntahan para makabili ng murang mga paninda o pagkain.

Tulad ng naunang Kadiwa sa Espana sa Sampaloc, Maynila (tapat ng Magsaysay High School) halos kumpleto ang paninda tulad ng mga de latang sardinas, daing, prutas, mantika, toyo, bigas, asukal, kape, asin, isda, gulay, karne ng baboy at manok, at iba pa na pawang mga abot-kayang bilihing magagamit o makukunsumo ng kapos na pamilya.

Kung matatandaan, meron ding mga permanenteng Kadiwa sa Quiapo, sa may R. Hidalgo malapit sa paaralan ng MLQ. Meron din sa Tondo, sa Sapang Palay, Bulacan at makikita rin ito sa Valenzuela City.

Mga tunay na Kadiwa na meron pangmatagalang puwesto na talagang pinagkakaguluhan o dinudumog ng mga gipit na mamamayan dahil sa mababang presyo ng bilihin at dahil na rin sa malapit ito sa kani-kanilang mga komunidad o kabahayan.

Pero pansinin ang mga Kadiwa sa ngayon. Saan mo kaya mahahagilap ang pinagmamayabang na Kadiwa outlets? Bukod sa limitadong mga paninda, kalimitan ay hindi rin sa lugar ng mga mahihirap makikita ang Kadiwa, at mabilis din itong umaalis dahil hindi naman pangmatagalan o permanente ang kanilang mga lugar na pinagtitindahan.

Maihahalintulad lang ang mga Kadiwa ngayon sa mga nagdaang administrasyon tulad ng “Erap rolling store” at “Tindahan ni Gloria Labandera rolling store” na hindi pumatok at tuluyang nawala o naglaho na lamang.

Kaya nga, nakalulungkot na sa ilalim mismo ng administrasyon ni Bongbong, lumalabas na parang tinabla ng pangulo ang tunay na Kadiwa na sinimulan ng kanyang nanay. Hindi pa huli ang lahat at dapat na ayusin at itama ang programa ng Kadiwa na sa panahon ngayon ay higit na kailangan ng mahihirap na mga kakabayan.

Para sa reaksyon o komento at tanong mag-email sa admin@pinoypubliko.com


Comments

Post a Comment

Popular posts from this blog

Bilyonaryong baon sa utang pinalalayas sa mansion?

Image
MINSAN akala natin ay masarap ang pakiramdam ng mga nakatira sa mga exclusive villages at napapaligiran ng mga mayayamang kaibigan. Hindi pala lahat ng nakikita natin sa ilan sa kanila ay totoo. Tulad na lamang sa kwento ng buhay ng isang super-rich na real estate executive na ayon sa aking spotter ay halos hindi na makatulog sa laki ng problema. Bukod kasi sa hindi na n’ya mabayaran ang upa sa tinutuluyan niyang mansion sa isang exclusive village sa Makati City ay malapit na ring mabatak ang mga ipinagyayabang niyang mga sports car at mamahaling SUVs. Sinabi ng aking mayamang spotter na sobra ang luho sa pamumuhay ng ating bida at halos linggo-linggo kung magpa-party sya kasama ang mga kapwa super-rich at ilang foreign diplomats. Bagama’t malaki ang kita ng kumpanyang minana niya mula sa kanyang mga magulang ay hindi ito sapat para masustain ang kanyang maluhong pamumuhay. Pati ang may-ari ng inuupahan niyang mansion ay napipikon na rin sa puro pangakong iniiwan ng ating bida....
Read more

Pari arestado sa panggagahasa sa dalagita

Image
SHOOT sa kulungan ang isang pari sa Solana, Cagayan dahil sa paulit-ulit umano nitong panggagahasa sa dalagitang youth minister ng simbahan. Kinilala ang pari na si Rev. Fr. Karole Reward Israel, assistant parish priest ng St. Vincent Ferrer sa Solana at residente ng Brgy. Tucalana, Lal-lo, Cagayan. Ayon sa biktima, 16, hindi niya agad isinumbong ang pari dahil natatakot siya sa banta nito na ikakalat ang video na kinuhanan nang palihim nang una siyang gahasain. Sinabi ng biktima na una siyang pinagsamantalahan ng pari sa isang motel noong Pebrero. Ilang beses na naulit ang panggagahasa sa motel, sa sasakyan ng suspek at sa loob ng mismong simbahan. Matapos ang pinakahuling insidente nitong Oktubre 15 ay nagdesisyong isiwalat ng biktima sa kanyang mga guro ang ginagawa sa kanya ni Israel. Humingi naman ng tulong ang mga guro sa National Bureau of Investigation na nagsagawa ng operasyon laban sa pari. Nang isakay ni Israel ang dalagita sa kanyang sasakyan nitong Martes ay sinun...
Read more

Estudyante hindi na libre sa LRT-2

Image
SIMULA bukas, Nobyembre 6, may bayad na ang mga estudyante sa pagsakay sa LRT-2. Ayon sa Light Rail Transit Authority, maaari namang mag-avail ang mga mag-aaral sa 20 percent discount kahit wala na silang libreng sakay. “Simula ika- 6 ng Nobyembre ang mga estudyante ay maaaring mag-avail ulit ng 20% discount. Ipakita lamang ang school ID o proof of enrollment sa Passenger Assistance Office o Ticket booth,” ayon sa ahensya. Kaugnay nito, inihayag ng LRTA na umabot sa mahigit 1.5 milyong estudyante ang nakinabang sa programa. “Sa ngayon umabot na sa 1,527,219 ang nakinabang sa libreng sakay ng LRT-2 sa loob ng 58 na araw simula nang ipatupad ang programa,” ayon sa LRTA. Matatandaang ipinatupad ang libreng-sakay noong Agosto 22 para makatulong sa mga estudyante na naapektuhan ang pag-aaral ng pandemya gayundin ng mga magulang sa gitna ng tumataas na presyo ng gasolina at pangunahing bilihin.
Read more